بيتنقل محمد البصيلي بين أنواع الغناء البدوي الفلسطيني من للمجرودة للهجيني، وبقدم دحية جديدة على قناة تراث لفنانين البادية. بيغرق صوته بالأوتوتيون ليناسب إيقاعها الهادي واللي بيطغى عليه طابع العتب واللوم.
نزّل الرابر المغربي تي فلو أغنيته الجديدة ساعتك سالات من إنتاج عماد بيتس، بيمزج فيها بين بيت دريل وصوت بيانو هادي، وبيسمح للأغنية تتأرجح بين ستايل الراب والبوب.
بخيّم على ألبوم دوبل ستوب طابع داكن، بتوضح معالمه من السب بايس اللي بيتخلله سنث أسيدي، مع أصوات مجرّدة مثيرة للفضول. بتخلق الفواصل الإيقاعية تباين في تراكاته الأربعة المليئة بطاقة راقصة لعوبة.
بتملك جيسي قدرة على التنويع في أساليبها الغنائية ما بين أوستات الكاي دراما الرومنسية والنمط اللعوب والمتبجح. تعاونت في زووم مع مجموعة لاتشيكا في رقصاتها وأظهرت ثقة عالية بتناسب قوة مسيرتها.
تستمر مور إيز بتقديم أسلوبها المحيط المثير للاستجمام في آخر إصداراتها. بيبان فيه مواد صوتية كثيرة من التسجيلات الميدانية، الأصوات الأسمارية، الإيقاعات المقلة والسنث بادز المحلقة.
تعاون عمنعم وكسّار في أغنية مستوطن اللي بيطغى عليها مزاج غاضب وكلمات سياسية عن الوضع في فلسطين. بينزل الثنائي بباراتهم النارية على بيت دريل من إنتاج إكس تي.
بتقدم M!R!M ثالث عينة من ألبومها الجاي تايم ترايتور بالتعاون مع أفانت ريكورد، تشاركت بكتابته وإنتاجه مع نوفو تيستامنتو. بشكّلوا دويتو خفيف بـ ديزرت لوف مع طيف دارك وايف الثمانينات بالخلفية.
اشتهر أحمد الدوجري بمهرجان فتش فتش اللي ضرب على التيكتوك. بحافظ بـ المر شاربه على الإيقاع الحيوي على الرغم من جو المهرجان الحزين اللي بيحكي عن الغدر.
نزّل المنتج وولف لوف إصدار مفاجيء من ثمانية تراكات أنتجها خلال الثلاث سنين الماضية. بطوّع المنتج الروسي طاقته الراقصة العنيفة اللي بيتتخللها معالم من إقامته الفنية في استوديوهات نييجي نييجي.
نّزل إل كاي فيديو كليب بريكس مع جرايم ديلي، بيظهر فيه مع جماعته بستايل العصابات المقترن عادةً بالدريل. بسجل إل كاي نفسه كصوت جديد في ساحة الدريل البريطانية المنتعشة.
بيتطرق بِن بوندي في إصداره الجديد لصوت حميمي هادي وحافل بالتفاصيل، نجح فيه بتخدير المستمع على مدار ستة تراكات.