ياسين زهران من واي-كرو يقابل الرابر أدهم ويتحدث معه عن #١٦_عالطاير التي أشعلت مشهد الراب في مصر والعالم العربي. سيطلق أدهم ألبومه القادم بعنوان الغوريلا في ٢٠١٦ وستتم مراجعته على معازف.
ياسين: أدهم، ايه فكرة ١٦ عالطاير؟
أدهم : الفكرة جت من إن الهيب هوب ابتدأ فى الشارع، الناس كانت بتراب وبيتحدو بعض بالبارز وكده. فبما إنه السوشيال ميديا موجودة دلوقتي فاليه منستخدمش حاجة زي دي أونلاين. من هنا جت فكرة ١٦ عالطاير، ١٦ بار تلف العالم من خلال السوشيال ميديا. انت بتوصل صوتك من خلال الـ ١٦ بار بشكل سهل ومباشر. أسهل من ان احنا نسجل ونمكس والكلام دا. من هنا جت فكرة ١٦ بار عالطاير. عالطاير يعني سايبر، فيرتشوال[Mtooltip description=” Cyber – Virtual” /].
ياسين: يعني هي إحياء لثقافة التحدي في الهيب هوب بس بالأدوات المتاحة دلوقت.
ادهم: هي الفكرة فى التحدي نفسه. الدافع والتحدي بسخّن الناس. فا أنا ركزت في موضوع التحدي ودفع الناس انها تعمل أحسن ما عندها. إن انت بتتحدى الرابر فى حاجة حقيقية وبتخدو فى ستايل مش بتاعه. بتدفعه لمكان هو مش مرتاح بيه ليقدم أحسن ما عنده ويدفش قدراته. فا انت بتتحدى الرابرز انهم يغيرو من ستايلاتهم ويكونوا متنوعين، ولإن التحدي مطلوب فده اللي حيسخن الناس انها تشارك.
ياسين: طب سؤال على طريقة رهام سعيد. ايه اللي خلى فكرة زي دي تطلع فى دماغك؟ ازاي اتكونت؟
ادهم : هس هس[Mtooltip description=” جنون” /] وفوبيا الشير اللي عند الشباب فى الاندرجراوند ومشهد الراب. الشباب مضايقة وفي ناس موهوبة مبتخدش دعم. فكرة الشير على الفيس بوك وان السوشيال ميديا هى وسيلة التواصل الاول والأخير فى دعم موسيقى الاندرجراوند. الناس الموهوبة مش واخدة حقها بسبب موضوع الشير اللي بيقبى محصور بالأسماء الكبيرة بس.
كمان الناس هديَت. مبقاش فى تحدي جدي فالعين على الهيب هوب مبقتش موجودة دلوقتي. مفيش دعم حقيقي للمواهب الجديدة ومفيش حد بطلعهم للناس. ده العامل الاساسي اللى حرّك تفكيري. اني أعمل حركة ودفعة للمشهد، فجت فى شكل ١٦ عالطاير.
ياسين: فا انت عملت إذاً زي حركة أو ثورة في الراب العربي بحيث ان كل الناس تظهر من خلال هاش تاج واحد؟
أدهم: ده كان جزء من التفكير. بس الفكرة هي إن الناس اللي واخدة صيت والناس بتسمعها وبتشيّرلها، مكنتش بتشتغل بالمستوى المطلوب. المشهد العربي عامة كان أقوى من كده بكتير ومشهد الراب في مصر كان أقوى من كده بكتير. الناس اللي تحت الضوء كسّلت. وفي ناس برضه بتشتغل صح وبتبتكر وبتعمل حاجات جديدة. يعني انا اتصدمت. فى ناس مش واخد حقها خالص. بس برضه منقدرش نسميها ثورة (يضحك). مش بالضخامة دي. حاجة ثانية إن المشهد كله يتحط في … أو زي ما تقول كده انلم الناس كلها فى مكان واحد، كأن عملنا اكونت كبير جداً أو جروب شات ضخم ومفتوح لتبادل التراكات. والناس تسمع بعضيها وتتحدى بعضيها. ده حيدي فرصة لناس كتير تتسمع، وبرضه فرصة ان الناس تشوف الرابرز المعروفين بشكل مختلف لما نحطهم على مزيكا مش متوقعة منهم أبداً ومش اللي هما بيتجهوله.
ياسين: طيب انت شايف ان الناس أبرزت أحسن ما عندها من خلال ١٦ عالطاير؟
ادهم : والله فى ناس شاركت مشاركة معنوية علشان تبقى شاركت، وده شئ كويس طبعاً. وفى ناس حاولت تعمل افكار جديدة بحيث إنها تثبت إنها مبدعة وموهوبة، وان عندها شيء جديد تقدمه للساحة. وفي ناس بتشارك لمجرد انها ترند حاصلة. ده وده وده كلها مشاركات جيدة. ده في أي حاجة في الدنيا. حتى فى ثورة يناير كان فى ناس بتشارك موضة وفى ناس بتشارك علشان مؤمنة. بس العام ان فى ناس بتثبت انها عندها حاجة جديدة بتحاول تقدمها وبتحاول تثبت انها قد التحدي.
ياسين: شايف الفكرة ماشية فى طريقها اللي انت رسمته ولا الموضوع توسع أو حتى راح اتجاه تاني؟
ادهم: ماشي فى نفس الخط! ماشية فى نفس التصور اللي كان عندي بس على نطاق اوسع بكثير طبعاً. أنا متخيلتش ان الموضوع يخرج برة مصر بصراحة. متخيلتش الدعم ده من الناس اللى شاركت فى مصر ومكنتش متخيل إن الناس حتاخد الفكرة على محمل الجد. كان ممكن ارفع الفيديو يجيلى ٣ فيوز عليه والناس تنفض عادي جداً. بس بصراحة الجنود المجهولة ورا نجاح مشروع زى ده كانو اول ناس اتحدتهم وقبلوا التحدي. بسببهم الفكرة ابتدت تتاخد على محمل الجد لأن ليهم تقلهم فى المشهد. وبدأو يوزعوها صح فالناس ويختاروا حد مسموع وحد مش مسموع، بحيث ان احنا ندي فرصة للناس تستمتع بالرابر اللى بتحبه ونفسهم يشفوه فى شكل جديد، وفي نفس الوقت يشوفوا حد جدي وكويس ويستحق الدعم.
** تحدي #16_عالطاير : هي فكرة من #عشيرة_غوريلات و حيساعد فيها رابرز كتير في المجال من اسكندرية و القاهرة و باقي المحافظات و حركة لدعم راب مصر و عشان نسخن مجال الراب في مصر و نعمل حاجة جديدة معملنهاش قبل كدة .. هو مش تحدي علي قد ما هي حركة للتجديد .. الفكرة : ان كل رابر لية اسلوبة و طريقتة و نوع المزيكا بتاعتة و لونة اللي الناس عرفتة و حبتة .. طاب ما نسمعهم علي مزيكا جديدة .. او بمعني اصح versat معينة علي instrumentals مشهورة غير نوع ال beats اللي غنوا عليها الverses بتاعتهم ** الشرح بالتفصيل في الvideo .. الفكرة هدفها 1. تسخين المجال 2. ندعم رابرز جديدة كويسة و انهم يتشافو في حاجة زي كدا 3. دعم الhiphop عامة 4. الناس تشوف الرابرز بشكل جديد شوية .. **و احب اشكر مقدما كل الناس اللي انا تحديتهم ؛ انا عارف ان الناس دي من اكتر الناس اللي بتدعم الhiphop و بتحاول تساعد في نشر ال hiphop **و طبعا في رابرز كتييييييير انا مقولتش اساميهم .. اكيد سايبهم لباقي الناس تتحداهم لان هي دي الفكرة .. ان كل رابر يتحدي 3 رابرز تانيين و هكذا ** ملحوظة : يا ريت الناس تتحدي رابرز جديدة .. او مش واخدة حقها عشان تبان لان دا من ضمن اهداف التحدي
Posted by Abdelrahim Adham on Monday, December 7, 2015
بس فعلاً انتشار الموضوع كان صدمة بالنسبة لي. بالنسبة لأنه يروح فى ناحية تانية مظنش. مفيش ناس بدأت تعمل مشاكل. فى رابرز كتير كان ما بينهم مشاكل ابتدو يصفو مشاكلهم بسبب ١٦ عالطاير وده شيء ضخم، خصوصاً بعد موسم الدسات اللي عشناه واللي هو جزء من ثقافة الراب. بس ان الموضوع يتقلب ١٨٠ درجة كده وان الناس تبدأ تشارك بنية صافية ده كان من ضمن الحاجات اللى تُحسب لحركة ١٦ عالطاير.
ياسين: حاسس إن فى ناس بتحاول تستغل الفكرة لمصالحهم الشخصية؟
أدهم: أنا مش شايف ان فى مصالح شخصية في ١٦ عالطاير. هى أصلاً الفكرة بتدعم المصلحة الشخصية. احنا بنحاول نحقق لكل رابر مش مسموع مصلحة شخصية وبنحاول نظهر كل رابر مسموع فى شكل جديد فده مصلحة شخصية ومصلحة للمشهد في نفس الوقت.
ياسين: طيب وليه ٣ أسامي؟
ادهم : أنا لما قلت للناس انهم يختاروا ٣ أسامي فى ناس اختارت أكثر. وأنا نفسي فى معظم الفيديوهات اخترت اكتر من ٣ أسامي (يضحك). علشان الموضوع يبقى على نطاق أوسع . بس اللي أنا اقصده إن الرابرز في المجموعات اللي عندنا في الاسكندرية زي ريفولوشن ريكورد وعشيرة الغوريلات، والواي كرو طبعاً وإيجي راب سكول لما بترشح حد معروف فهموا بيصلوا الكيانات دي ببعضها. فمثلاً حد مش معروف مفيد له انه ينومنيت حد معروف وحد مش معروف. فالمجموعات دي بتشتغل مع بعضها والناس اللي مش معروفه بتظهر وبتاخد مساحتها.
ياسين: طيب تقدر تقللي أحسن ٥ أو ١٠ تحديات من ١٦ عالطاير؟
ادهم : لا توب ٥ أو توب ١٠. حنظلم ناس كتير جدا يا مان كده. حقيقي انت بتتكلم فى اكتر من ١٠٠٠ فيديو، فصعب أرشح ١٠ أو ٥. في ناس مكنتش عارف عنها أو مكنتش بسمعها وطلعوا ماشاء الله عباقرة. ولما أنا حصل معايا كده اكتشفت ان الموضوع ناجح ومفيد. لما أنا شخصيا لقيت ناس مكنتش أعرفها وقوية بالشكل ده فا انا متخيل المشهد من حوليا مكنش يعرفها برضه. مش قصدي والله بس أنا دودة فى المجال بحاول اعرف مين براب وايه اللى بيحصل على قد ما أقدر طبعاً. فى ناس كتير قوية جدا وفى ناس مبدعة جداً في الفيديوهات. في ناس مثلاً نفذت التحدي بشكل محترف، ناس بشكل كوميدي، كل واحد حاول يحط البصمة بتاعته. ده اللى انا امبسطت منه. الناس ديه مش مجرد بتراب لأ. في آتيتيود كمان تحسهم فنانين. انت بتتعامل مع فنان مش مجرد هاوي.
ياسين: طيب مين الرابرز في مصر أو الوطن العربي اللى نفسك تشوفهم فى ١٦ عالطاير؟
أدهم :مثلاً دام، إم دابليو آر، تي آر، إسلام جواد، مسلم من المغرب. بيج دا دون من المغرب، كازا كرو المغرب، تونس، الجزائر، صلاح الدين. سيلفر رينجز من الووتانج، نفسي أشوف كتير غيرهم برضه. نفسي اشوف الناس اللي هى وصلت لمرحلة نسبياً عالمية تشارك على الهاش تاج ده حتى لو ببوست مثلا. ده معناه ان احنا وصلنا لمستوى وحققنا انتشار فوق اللي كنت أنا أتخيله شخصياً بكتير.
16 عالطاير… المرسل Rami GB وإلى مرسل اليه…. Amer Altaher Laith Al Huseini Krist Alzou’biيلا شباب العبوا معانا… والbeat الي راح تلعبوعليه خلّوه يكون ل Lil wayne [?][?][?][?][?]#g_easy #weezy
Posted by Msallam Hdaib on Thursday, December 10, 2015
ياسين: خلاص يا أدهم آخر سؤال علشان الساعة ٥ وربع الفجر. عشيرة الغوريلات تقدر تديني نبذة عنها؟ هي حركة تضم فرق كتير؟ وايه بالنسبة لالبومك الجديد؟ هل تركيزك على ١٦ عالطاير حيأثر عالألبوم؟
أدهم: عشيرة غوريلات، أو الجوريلا كلان، هي أشبه بريكورد ليبل. فيها فريق فوق الصفر، وأدهم كرابر فردي وجعراني كرابر فردي، وفيها ناس كانت فى الكيان اللي فات واللي كان اسمه ولاد الحي. لسه حنضم ناس تانية طبعاً ومعظمهم حيبقي من الناس الجديدة علشان نقدر نطور من الناس ديه ونسلط الضوء عليهم ونفيدهم بالخبرة اللي عندنا، ونعمل معهم نفس اللي كان يتعمل معانا واحنا لسا طالعين. حنحاول ندعمهم ونساعدهم في التسجيل والإمكانيات االي نقدر نوفرها.
أما بالنسبة لالبومي، أنا كنت مبطل هيب هوب عامة بقالي ٣ سنين أو اكتر كمان. اول تراك طلعته كان سكيت أو انترو للألبوم اسمه غوريلا، والألبوم اسمه غوريلا. المفروض ينزل في النص الأول من ٢٠١٦.
بس هو اليومين دول طبعاً ١٦ عالطاير واخده كل الوقت، غير وقت الشغل كمان. بس شغالين فى التراكات مع رابرز قديمة ورابرز جديدة وكله فى المعمل.
Ibrahem Mahmoud naftalin / only + guitarAbdelrhman Elsayd Mosaad Soliman yoga 9 / bugatti
Posted by Youssef Mohamed Altay on Thursday, December 10, 2015
ياسين: معلش لكن سؤال أخير، انت برضه عملت منشن لدي جيز[Mtooltip description=” Dee Jays” /] وناس بترسم جرافيتي انهم ينزلو حاجات جديدة. فالفكرة إذاً بقت تشمل تحديات مختلفة؟
أدهم : بالظبط كده. هي الفكرة إن أنا عايز أدخّل كل عناصر الهيب هوب فى التحدي. ولسا فى بي بوي[Mtooltip description=” Break Dance” /] والدي جيز لازم يدخلوا طبعاً. الجرافيتي برضه جزء من الهيب هوب. فدي المرحلة التانية من التحدي. وبرضه ان الفانز يعملو فيديوهات ويورو الرابرز إنهم بيسمعوهم، وانهم بيشجعو الكلام ده. دي مرحلة تانية من الحركة. الفانز تحس انها تتواصل مع الرابرز اللى بتحب تسمعها، وإن فى حلقة وصل معين من خلال الهاش تاج ده.
Flying 16 Bars#١٦ـعالطاير تلبية لتحدي سيف الله “Rush” من مصر#Flying_16 bars going out to the invite i got from Rush “Sayfullah” from Egypt Salute to all my Egypt people and the Egyptian hiphop scene
Posted by Mouneer Bu Kolthoum on Friday, December 11, 2015
انا قبلت تحدي #16_عالطاير : هي فكرة من #عشيرة_غوريلات و حيساعد فيها رابرز كتير في المجال من اسكندرية و القاهرة و باقي المحافظات و حركة لدعم راب مصر و عشان نسخن مجال الراب في مصر و نعمل حاجة جديدة معملنهاش قبل كدة .. هو مش تحدي علي قد ما هي حركة للتجديد .. الفكرة : ان كل رابر لية اسلوبة و طريقتة و نوع المزيكا بتاعتة و لونة اللي الناس عرفتة و حبتة .. طاب ما نسمعهم علي مزيكا جديدة .. او بمعني اصح versat معينة علي instrumentals مشهورة غير نوع ال beats اللي غنوا عليها الverses بتاعتهم ** الشرح بالتفصيل في الvideo .. الفكرة هدفها 1. تسخين المجال 2. ندعم رابرز جديدة كويسة و انهم يتشافو في حاجة زي كدا 3. دعم الhiphop عامة 4. الناس تشوف الرابرز بشكل جديد شوية .. **و احب اشكر مقدما كل الناس اللي انا تحديتهم ؛ انا عارف ان الناس دي من اكتر الناس اللي بتدعم الhiphop و بتحاول تساعد في نشر ال hiphop كل رابر يتحدي 3 رابرز تانيين و هكذا انا باتحدي:1. ZaRa Paraphrenia2. Lou El Shreef3. Ahmed Inzaghi
Crespo Kamel Godzee Challenge #2التحــدي التــاني #16_عالطاير#الهرم #دارالسلام #المملكه #التتار #راب_مصر#شــيــــر <3في نــاس كتيــر طلبت مننا أكتــر من تحدي بطريقه غريبه فا ققررنا نحن كرسبو الهرم و أحمد كامل و محمد علي بتحدي الآتي :تحدي كرسبو الهرم :باتحدي إبن بلدي Ahmed Mekki أي فيرس أندرجروند علي أي #Beat يختاروا 3:)تحدي جودزي الياكوزا GoDzee YaKuza <3باتحدي Ahmed Al Fishawy أي حاجه جديده حلوه كده :Pتحدي أحـمــد كــامل Ahmed Kamel … !!باتحدي Ibrahem Mahmoud علي أي إنسترومنتال لـ فيني باز :*و التحيـــه بإسم محمد #فرخه ربنا يفك ضيقتواا 😀
Posted by Ahmed Abd El Naby on Monday, December 14, 2015
تحدي #16_عالطاير | #flying_16و علشان المنافسه تبقي حلوه و احلي انا قررت اتحدي بستثناء اي مشاكل و حكايات ahmad amin اعملولوا منشن علي بيت till i die – MGK تراك براحتي و omar boflot اعملولوا منشن علي بيت chingy – holiday inn تراك مشواريو samo smith اعملولوا منشن علي بيت 2pac – hit em up اي فيرس و O sam اعملولوا منشنعلي بيت the game – ali bomaye و نشكر طبعا صاحب فكر التحدي Adham Abdelrahim و باقي باقي التحديات اللي مرديتش عليها يا ريت تبعتولي اللينكات او تسيبوها في كومنت #romelb
Posted by Romel B Ahmed on Friday, December 11, 2015
#16_عالطاير #flyin_16 عالطاير يعني على السريع وبومبوكلات من النيل للفرات Farid Belhoul Mouad Belrhouate Amine Gharbi Yassin Zahran Abdelrahim Adham
Posted by Osloob – أسلوب on Tuesday, December 15, 2015